Contente toy, amy, d’ung seul baiser,
Car il provient d’ung cueur qui point ne ment.
Cela suffist pour ton feu appaiser,
Puis que tu as l’espoir d’allegement.
Chascun n’a pas ung tel contentement
De son amye, ains y a mainte dame,
Voyant languir le cueur, le corps et l’ame
De son amy, qui le baiser reffuse,
Dont bien souvent le sot amant je blasme,
Qui, loing du bien, sa vie et son corps use.